ИНФОРМАЦИОННЫЙ ПОРТАЛ АКИМАТА ГОРОДА ТЕМИРТАУ

Жаңалықтар

Қазақстан – электронды мемлекеттік қызметтерді дамыту бойынша көшбасшы

Бұл туралы Digital Bridge халықаралық технологиялық форумы барысында Tech Farm басқарушы серіктесі Аман Тентиев мәлімдеді. Оның айтуынша, Қырғызстанның электронды мемлекеттік қызметтердің дамуын қамтитын цифрландыру бағдарламасы 2017 жылы іске қосылды, ал Қазақстандағы электрондық үкімет қызметі 13 жылдан бері жұмыс істеп келеді.

«Қазақстан – өңірдегі электронды мемлекеттік қызметтерді дамытудағы көшбасшы ел. Азаматтар онлайн тіркеліп, интернет арқылы кәсіпкерлік аша алады. Білуімше, бұл – елдеріңізде бес-алты жыл бұрын енгізілген қызмет. Қазақстан бұл бағытқа қомақты инвестиция жұмсаған, сәйкесінше нәтижесін көріп келеді», – дейді Тентиев.

Сонымен қатар Тентиев танымал мэссенджерлер мен әлеуметтік желілер арқылы мемлекеттік қызметтерді алу жолдарына жоғары баға берді. «Әзірге Қырғызстанда барлығы мемлекеттік қызметтер порталына цифрлық қолтаңбамен кіру арқылы жүзеге асып жатыр. Болашақта біз де Қазақстанның тәжірибесін ескеріп, қызметтерді әлеуметтік желілер арқылы көрсетуді жоспарлап отырмыз», – деп толықтырды ол.

Сарапшының пікірінше, азаматтарға цифрлық қызметтерді пайдалануды үйрету көп ұзамай өз жемісін береді: «Барлық адам мемлекеттік қызметтерді жылдам әрі оңай алғысы келеді. Ешкім де ХҚО-ға қызметтерді алу үшін арнайы барғысы келмейді, сондықтан телеграм боттары мен мобильді қосымшалар сияқты қызметтерді алудың балама әдістері дамиды».

Еске сала кетейік, өткен аптада Нұр Сұлтанда Digital Bridge халықаралық технологиялық форумы өткізілді. Оған әр түрлі елдерден IT-шешімдер, цифрлық технологиялар және т.б. сала сарапшылары қатысты.


Вернуться назад

Дауыс беру
Жаңалықтарды тарату
Валюта бағамдары
Ауа райы болжамы
Сіз кейінгі кезде қаланың сәулеттік келбеті өзгерді деп ойлайсыз ба? ОТВЕТИТЬ
Теміртау қаласы мен өңірде болған жаңалықтарды таратуға қол қойыңыз
Бағам теңгемен берілді
  • USD 388.07
  • Euro 427.54
  • Рубль 6.08
Теміртау-1°C
    7 Секундына метр жылдамдықта
  • Қысым: 718мм сынап бағанасы бойынша
  • Ылғалдылығы: 58%
ЛЕНТА НОВОСТЕЙ